Dat twede Online-Nettwarkdrapen

De Jungen Lüüd hebbt an’n 25.03.2026 en anner Nettwarkdrapen online hatt, dat twede nadat wi in’n Januaarmaand in Bremen dat eerste Maal tohoop kamen sünd. Wi harrn Deelnemers:chen uut Nedderland, Düütschland un de hele Welt daar. Plautdietsche weren daarbi un ook Pomeranos uut Brasieljen.

Wi harrn Saken to besnacken, üm allens op de Reeg to bringen för dat Grünnen vun en egen Organisatschoon: dat Nettwark Junge Lüüd. Wi wüllt uns daarmit sülvst struktureerter opstellen un uns en egen Stimm geven. De Geschäftsorren is uutarbeidt un finaliseert worrn un de Struktuur, de dat Nettwark hebben schall is vastleggt.

Düt is en Organigramm, dat de plaante Opdelen vun dat Nettwark verklaart. Wi hebbt düsse Struktuur de Deelnemers:chen vöörstellt un wieders sünd keen Kritiekpunkten opkamen. Somit warrt wi mit düssen Opbo wiedermaken un em op de eerste un kunstitueren Sitten verafscheden. Bavento sünd nu de Formularen klaar, över dat een sik as Liddmaat:sche anmellen kann. Dat gifft jem eenmaal op Engelsch un op Düütsch, womit all Lüüd afdeckt warrn schullen bi’t Verstännis vun’t Formulaar. Wi hebbt de neegsten Stappen verafreedt, woans wi dat Opstellen vun Kannedaat:schen organiseert, wanneer wi de Sitten afhoolt un wat so üm un bi de Inholen warrt.